Video
Read full review
2024-08-08
506 views
《滿地可餅店 - 紅磡》而家行街成日都係行商場，發覺近年比較逛少咗特色嘅地方，因為商場入面嘅舖頭好大部份都差唔多野，連買麵包都可能去多咗連鎖店，但係以前細個其實我好鍾意嗰啲街坊麵包舖的，好記得細個嘅時候$10有四個雞尾包，夠晒一家四口做早餐，而家物價貴晒冇呢支歌仔唱啦🥲連屋企人鍾意食嘅雞尾包都越嚟越少見啦🥲前幾日個黃埔花園行街，見到同一條街都仲有好幾間傳統麵包店見到呢間麵包店既叉燒包啱啱新鮮出爐脹卜卜咁好吸引，反正第二日嘅早餐都未有着落，我就順便買埋茶點同埋早餐😳我發現呢間麵包店都與時並進，製作咗好多新式嘅麵包，例如前排好受歡迎嘅鬆鬆麵包、脹卜卜嘅麻糬波波、特色嘅公仔蛋糕等等，當然都仲有啲傳統嘅烘焙嘢賣啦💁🏻♀️蜜汁叉燒包見到佢新鮮出爐脹卜卜，賣相十分吸引，摸上手仲係熱辣辣，忍唔住喺舖頭門口就食咗佢😂裏面嘅叉燒餡料都幾多，甜甜地好開胃，個質感都唔係氣球麵包黎架，食完起碼會飽肚先，作為下午茶不錯💁🏻♀️紫薯條由於食咗個麵包嘅關係，紫薯條就變咗第二日嘅早餐啦🤣其實就有啲似紫薯餡嘅麻糬波波，軟腍腍好彈手🥸裏面嘅餡料超多，一咬爆漿，味道唔算太甜膩，可以一試💁🏻♀️盒裝鴛鴦蝴蝶酥知道公司同事都好
而家行街成日都係行商場，發覺近年比較逛少咗特色嘅地方，因為商場入面嘅舖頭好大部份都差唔多野，連買麵包都可能去多咗連鎖店，但係以前細個其實我好鍾意嗰啲街坊麵包舖的，好記得細個嘅時候$10有四個雞尾包，夠晒一家四口做早餐，而家物價貴晒冇呢支歌仔唱啦🥲連屋企人鍾意食嘅雞尾包都越嚟越少見啦🥲前幾日個黃埔花園行街，見到同一條街都仲有好幾間傳統麵包店
見到呢間麵包店既叉燒包啱啱新鮮出爐脹卜卜咁好吸引，反正第二日嘅早餐都未有着落，我就順便買埋茶點同埋早餐😳我發現呢間麵包店都與時並進，製作咗好多新式嘅麵包，例如前排好受歡迎嘅鬆鬆麵包、脹卜卜嘅麻糬波波、特色嘅公仔蛋糕等等，當然都仲有啲傳統嘅烘焙嘢賣啦💁🏻♀️蜜汁叉燒包
見到佢新鮮出爐脹卜卜，賣相十分吸引，摸上手仲係熱辣辣，忍唔住喺舖頭門口就食咗佢😂裏面嘅叉燒餡料都幾多，甜甜地好開胃，個質感都唔係氣球麵包黎架，食完起碼會飽肚先，作為下午茶不錯
💁🏻♀️紫薯條
由於食咗個麵包嘅關係，紫薯條就變咗第二日嘅早餐啦🤣其實就有啲似紫薯餡嘅麻糬波波，軟腍腍好彈手🥸裏面嘅餡料超多，一咬爆漿，味道唔算太甜膩，可以一試💁🏻♀️盒裝鴛鴦蝴蝶酥
知道公司同事都好鍾意食蝴蝶酥，所以買咗一盒返公司諗住請啲同事食，入面有朱古力同埋原味，個質感比較似曲奇餅嗰種厚實嘅感覺，味道稍為有少少甜，但係食得出手工嘅感覺，比起坊間連鎖店嘅同一味道更有人情味嘅感覺，好有傳統餅食嘅風味
Post
