茶理史 (Closed)

之前見尖沙咀嗰間茶理史，排隊排到好長，最近喺旺角開咗新分店，地點好便利，所以就過嚟買杯試吓。見到個Menu呢真係睇到花多眼亂，所以就抬頭睇下推介，Top 1 烏龍茶我怕苦，就唔係咁喜好跟住見 Top 2 同 Top 3 聽個名好似都唔錯，所以就問吓店員意見，店員比想像中nice，但直接就問我prefer飲奶茶定係牛奶，同埋兩個配料分別係珍珠同埋芋圓。其實我覺得飲品有芋圓有少少奇怪，同埋都係鍾意飲奶茶多啲，所以就叫咗 Top 2 「腐竹白玉奶茶」 $25。我覺得係都幾特別嘅配搭，煲到好軟身嘅腐竹，同彈牙嘅珍珠有對比，但係冇違和感。因為都比較甜（唔記得叫少甜），整體奶茶味其實唔太突出，但係都值得一試嘅新鮮配搭。