一品齋甜品屋 (Closed)

之前食過佢哋嘅麥米粥溝綠豆沙，一般貨色，無好深刻嘅印象，唯一欣賞佢係有賣麥米粥嘅少數糖水店。今次試咗腐竹銀杏糖水之後，對呢間店180度改觀，糖水個base好綿滑，腐竹溶化成超細片，又唔係完全溶晒，白果無苦澀味，煮得夠稔微爛，並非一般糖水店做得到；椰汁紫米露略嫌甜咗少少，不過都好味。平時會貪方便去翠園買，不過行遠少少有如此高質素嘅糖水，對食有要求嘅話，行多幾步又算得係d咩。