澳門丸記清湯腩王 (Moved) New Location

澳門丸記過江龍，在Facebook見過有人推介，入開石門12:00見客，剛巧一出馬鐵站就見到，而且似乎人氣唔錯，況且離約會時間仲有半粒鐘，當然要入去試試。呢間除標榜清湯腩王湯河外，仲主打咖哩牛腩、茄汁牛腩、海南雞飯與各式雞飯，以及蝦子撈麵。不過文公子無飯癮，又唔中意食湯河粉，而且11點幾就來食晏，於是決定淺嘗招牌清湯腩王配麵。麵質唔錯，辣椒油合格，湯頭幾甜仲有蘿蔔味，牛腩部位還可以但係無咩牛肉味，唔知改爽腩會唔會好啲?不過話限量供應...$40一碗清湯腩麵，配熱飲加$14...沙田工業區來講，就唔算街坊價。報告完畢。