Video
Read full review
2019-06-14
88 views
收工要出先達個邊整電話，行過見到入面無乜客，又咁啱肚餓就入去醫下肚啦點心紙上面都幾多選擇下，亦都不乏特別既食物，例如奶黃流沙多士、人參湯鮮竹卷。亦都有懷舊點心，例如鵪鶉蛋燒賣、民間少有既上湯炸粉果。不過今晚一個人就唔係好夠肚食太多點心，唯有留返下次同女友去食同埋第一次試呢間點心店，都係試下大路食物穩陣啲思前想後諗左好耐，最後叫左蝦餃、燒賣同叉燒腸粉每張枱都會有壺茶俾你自助飲用，不過就唔熱既，應該放左好耐好耐。餐廳內環境唔算太逼，都算坐得鬆動既，冷氣亦都好夠。評論下食物先蝦餃 - 一籠有4隻，隻隻都肥大飽滿。外皮唔會過厚，亦都保留到煙un口感。內餡蝦肉都非常多，質感爽口，調味又啱啱好。燒賣 - 同樣都係一籠４隻，但燒賣就比較多肥豬肉，蝦肉相對較少，食左兩粒已經唔想再食。叉燒腸 - 一碟有三條，腸粉皮薄身得黎唔會一夾就散哂。叉燒內餡豐富，肉質鬆化無半點肥肉，莞茜為腸粉增加不少香氣。味道同小時候住舊區時的大排檔腸粉相似，味道細膩著實不俗。埋單連同$3茶芥費用總共$88。期望下一次帶同女友一齊試多啲款式
點心紙上面都幾多選擇下，亦都不乏特別既食物，例如奶黃流沙多士、人參湯鮮竹卷。亦都有懷舊點心，例如鵪鶉蛋燒賣、民間少有既上湯炸粉果。
不過今晚一個人就唔係好夠肚食太多點心，唯有留返下次同女友去食
同埋第一次試呢間點心店，都係試下大路食物穩陣啲
思前想後諗左好耐，最後叫左蝦餃、燒賣同叉燒腸粉
每張枱都會有壺茶俾你自助飲用，不過就唔熱既，應該放左好耐好耐。
餐廳內環境唔算太逼，都算坐得鬆動既，冷氣亦都好夠。
評論下食物先
蝦餃 - 一籠有4隻，隻隻都肥大飽滿。外皮唔會過厚，亦都保留到煙un口感。內餡蝦肉都非常多，質感爽口，調味又啱啱好。
燒賣 - 同樣都係一籠４隻，但燒賣就比較多肥豬肉，蝦肉相對較少，食左兩粒已經唔想再食。
叉燒腸 - 一碟有三條，腸粉皮薄身得黎唔會一夾就散哂。叉燒內餡豐富，肉質鬆化無半點肥肉，莞茜為腸粉增加不少香氣。味道同小時候住舊區時的大排檔腸粉相似，味道細膩著實不俗。
埋單連同$3茶芥費用總共$88。
期望下一次帶同女友一齊試多啲款式
5 views
0 likes
0 comments
Post
