Video
Read full review
2015-07-15
907 views
羊～咩咩令人喜惡極端如榴槤般又愛又恨的一種"美食"。喜歡既人就好似有毒癮咁，每年冬天唔食番個羊腩煲就唔聚財咁。梗加會有一班相約全羊宴既羊友。唔歡喜既人啦喎。一聽到羊就say goodbye＋再用兇恨既眼神話你知"你咪試下叫囉"＋即時無fd做咁款。我。當然係個羊痴啦。痴到每次食晚餐見到有羊扒食都會內心交戰一段時間，想叫又怕唔飽，唔叫又唔捨得，個心囉囉攣咁掙扎一輪話說前排去左觀塘一帶閒逛。醒係網友提及有間羊痴必食米線鋪係附近。即時打開OP搜"括"佢出黎。間鋪頭係個商場既某一個暗角真係行左幾個圈先見到嫁！入到去坐低唔洗諗就即叫個羊肉米線啦。原汁原味當然係清湯底啦。得意在佢有得跟皮同淨肉，嗨～識得食一定連皮食啦嘛～見隔離枱大碗好鬼大嘩左出聲乖乖地叫碗細既^^可能就閂門無乜人好快就黎。一放低就即時夾片羊黎食啦。羊肉香噴噴鮮嫩清淡得黎唔會有個種死實實羊腩煲既羊羶味。加埋煙煙韌韌既皮一齊食實在享受跟住呷一啖湯試試啦，再飲又飲，飲個不停，湯裡有陣甘香羊味飄出黎痴住你口腔睇番牆身雜誌訪問介。原來每碗湯都加左熬湯時既羊脂。唔怪得味道咁獨特啦～咪以為米線係普通貨色喎，好似話係自制既比坊間既粗少少，煮出黎絕對
令人喜惡極端如榴槤般又愛又恨的一種"美食"。喜歡既人就好似有毒癮咁，每年冬天唔食番個羊腩煲就唔聚財咁。梗加會有一班相約全羊宴既羊友。唔歡喜既人啦喎。一聽到羊就say goodbye＋再用兇恨既眼神話你知"你咪試下叫囉"＋即時無fd做咁款。
我。當然係個羊痴啦。痴到每次食晚餐見到有羊扒食都會內心交戰一段時間，想叫又怕唔飽，唔叫又唔捨得，個心囉囉攣咁掙扎一輪
話說前排去左觀塘一帶閒逛。醒係網友提及有間羊痴必食米線鋪係附近。即時打開OP搜"括"佢出黎。間鋪頭係個商場既某一個暗角真係行左幾個圈先見到嫁！
入到去坐低唔洗諗就即叫個羊肉米線啦。原汁原味當然係清湯底啦。得意在佢有得跟皮同淨肉，嗨～識得食一定連皮食啦嘛～見隔離枱大碗好鬼大嘩左出聲乖乖地叫碗細既^^
可能就閂門無乜人好快就黎。一放低就即時夾片羊黎食啦。羊肉香噴噴鮮嫩清淡得黎唔會有個種死實實羊腩煲既羊羶味。加埋煙煙韌韌既皮一齊食實在享受
羊肉帶皮清湯米線
$37
78 views
0 likes
0 comments
咪以為米線係普通貨色喎，好似話係自制既比坊間既粗少少，煮出黎絕對唔會淋晒好易斷，反而係好滑咁夾起一著面瀡一聲食晒，愈食愈想食（好似食越南河粉）米線同個湯簡直係絕配丫！一個字：襯
當時既味蕾記憶比我既感覺，係好似係雲南旅行個時，坐係街邊食一壺壺既米線咁風味一流既呢
另外都叫左個雞絲米線同埋木耳小食。雞絲都不遜色但當然唔夠羊肉咁凸出啦～而個木耳都麻麻辣咁好好味。本身想試埋個青瓜但賣晒lu～睇黎不久既將來好快又要再去朝聖回味一下囉
Post
