Video
Read full review
2017-11-09
1440 views
呢家位於銅鑼灣嘅《臥龍正宗麻辣火鍋》，裝修非常有中國特色。抬頭見到寫住「臥龍」嘅牌匾，加埋雕工精細嘅屏風，有如入咗故宮一樣甚具氣派。麻辣火鍋採用嘅鐵鍋可謂突顯出皇上皇嘅感覺， 金色嘅金龍帶有畫龍點睛嘅作用， 配上金黃色的牛油， 非常吸睛。麻辣鍋入面放有大量花椒、胡椒、辣椒乾， 加埋一磚磚嘅牛油， 煮滾後麻香味十足。牛油溶解之後，形成一層紅油， 令到花椒同胡椒裏面嘅香氣盡出。【手打四寶丸】 集合咗牛丸、墨魚丸、蝦丸同豬肉丸，牛丸牛味十足，夠曬彈牙， 墨魚丸夠曬爽口， 蝦丸則蝦味濃郁， 至於豬肉丸就加入咗芫茜，香氣十足，亦夠曬juicy多汁。【 一呎鮮鵝腸】鵝腸肥瘦適中，鵝腸裏面嘅脂肪油香十足， 輕輕灼熟至收縮硬身後，就可以食用， 千祈唔好煮得太過火， 如果唔係就變成橡筋啦。鵝腸入口爽口兼彈牙，十分肥美。【 鴨血】 夠曬爽口，而且一啲都唔腥， 用嚟配搭麻辣鍋，最夠傳統，風味十足。【即炸午餐肉】 午餐肉呢樣comfort food，用嚟打邊爐，實在夠曬邪惡。【成都薯粉】 闊身嘅薯粉超級彈牙，而且夠曬索味，放入麻辣湯入面， 吸收曬湯底嘅精華， 但緊記唔可以淥得太耐， 煮到剛剛透明就最Q彈喇。【
麻辣火鍋採用嘅鐵鍋可謂突顯出皇上皇嘅感覺， 金色嘅金龍帶有畫龍點睛嘅作用， 配上金黃色的牛油， 非常吸睛。
麻辣鍋入面放有大量花椒、胡椒、辣椒乾， 加埋一磚磚嘅牛油， 煮滾後麻香味十足。牛油溶解之後，形成一層紅油， 令到花椒同胡椒裏面嘅香氣盡出。
【手打四寶丸】 集合咗牛丸、墨魚丸、蝦丸同豬肉丸，牛丸牛味十足，夠曬彈牙， 墨魚丸夠曬爽口， 蝦丸則蝦味濃郁， 至於豬肉丸就加入咗芫茜，香氣十足，亦夠曬juicy多汁。
【 一呎鮮鵝腸】鵝腸肥瘦適中，鵝腸裏面嘅脂肪油香十足， 輕輕灼熟至收縮硬身後，就可以食用， 千祈唔好煮得太過火， 如果唔係就變成橡筋啦。鵝腸入口爽口兼彈牙，十分肥美。
【 鴨血】 夠曬爽口，而且一啲都唔腥， 用嚟配搭麻辣鍋，最夠傳統，風味十足。
【即炸午餐肉】 午餐肉呢樣comfort food，用嚟打邊爐，實在夠曬邪惡。
【成都薯粉】 闊身嘅薯粉超級彈牙，而且夠曬索味，放入麻辣湯入面， 吸收曬湯底嘅精華， 但緊記唔可以淥得太耐， 煮到剛剛透明就最Q彈喇。
【自家即製響鈴】 響鈴夠曬脆卜卜， 而且豆味濃， 食落唔會太油膩， 浸三秒即刻食，外軟內取， 可謂食麻辣鍋必點之選。
呢間《臥龍正宗麻辣火鍋》真係臥虎藏龍，咗本地人之外， 難怪吸引到好多嘅內地客啦。
Post
