Video
Read full review
2019-03-10
836 views
難得嚟到觀塘食飯，除咗商場堆連鎖店之外，其實密如森林嘅工廈群都隱藏咗唔少高質餐廳，有啲更可以話係臥虎藏龍，今次食呢間就係其中之一😏其實之前睇過新聞專訪已經對佢地好有興趣，兩兄弟都係響飲食界事業有成，分別響西餐同甜品都係主廚總廚級巨腕，放棄其地位自己出嚟闖一番事業，響佢地身上睇到只要有心，其實追夢係不談年紀的✨講返餐廳本身，走私房菜格局裝修唔花巧，最緊要係餐枱唔會話放到好迫，坐得舒服唔焗促。晚餐款色都係走精簡路線，唔會有成本menu，基本九道菜再加幾款近期精選，貴精不貴多，叫起嚟更有信心覺得會好食。當然有前酒店總廚坐陣，食物水準自然有保證，看似平凡嘅法式焗田螺，其實都係道好考功夫嘅手工菜，據師傅介紹淨係個香草油都已經用咗超過廿種香料調製，田螺肉質肥潤唔似街外焗到乾瘦如柴咁，其油香滲落幼滑嘅薯蓉非常惹味✨主菜方面分喇揀咗意大利飯同羊架，海鮮意大利飯以貝類海產為主，除咗蜆肉夠嫩滑彈牙之外，其鮮味亦與飯粒融為一體，每啖飯都有海鮮嘅香味爆發出嚟，係近期食過最高質嘅意大利飯之一✨而寶寶雲酥羊架可以話係我最鐘意嘅食法，面層放一堆調過味嘅香草麵包糠再焗，成品外層鬆脆非常更為惹味，而羊架揀咗七成熟，肉質
其實之前睇過新聞專訪已經對佢地好有興趣，兩兄弟都係響飲食界事業有成，分別響西餐同甜品都係主廚總廚級巨腕，放棄其地位自己出嚟闖一番事業，響佢地身上睇到只要有心，其實追夢係不談年紀的✨
講返餐廳本身，走私房菜格局裝修唔花巧，最緊要係餐枱唔會話放到好迫，坐得舒服唔焗促。晚餐款色都係走精簡路線，唔會有成本menu，基本九道菜再加幾款近期精選，貴精不貴多，叫起嚟更有信心覺得會好食。
當然有前酒店總廚坐陣，食物水準自然有保證，看似平凡嘅法式焗田螺，其實都係道好考功夫嘅手工菜，據師傅介紹淨係個香草油都已經用咗超過廿種香料調製，田螺肉質肥潤唔似街外焗到乾瘦如柴咁，其油香滲落幼滑嘅薯蓉非常惹味✨
主菜方面分喇揀咗意大利飯同羊架，海鮮意大利飯以貝類海產為主，除咗蜆肉夠嫩滑彈牙之外，其鮮味亦與飯粒融為一體，每啖飯都有海鮮嘅香味爆發出嚟，係近期食過最高質嘅意大利飯之一✨
而寶寶雲酥羊架可以話係我最鐘意嘅食法，面層放一堆調過味嘅香草麵包糠再焗，成品外層鬆脆非常更為惹味，而羊架揀咗七成熟，肉質依然嫩口，不過更喜歡係佢嘅香氣，其羊騷味存在感強得嚟細膩偏內斂，同平時出面果啲陣味大刺刺好似野人食肉果種感覺截然不同，非常推薦✨
而家有晚餐優惠食滿一定價錢就會再送其他嘢，由甜品到鵝肝再到和牛都有，咁當然我地冇食到過千蚊咁誇張，但都有甜品送，而且仲要有兩款添✨
平時唔係話好鐘意食心太軟，好驚佢個好甜好拮喉食完會好口渴，但呢度用個朱古力唔係死甜，入口好舒服，柔和得嚟又好香濃，而芝士蛋糕就冇乜甜度繼而突出其芝士味，幾適合非嚐甜嘅甜品控，想甜啲可以連埋綠茶雪糕食，甜味隨個人喜好添加之餘芝士綠茶兩種味混埋又幾夾✨ 飲品方面乳酪有驚喜，質感好似奶昔咁幼滑且充實✨
如果唔在意地理位置同環境裝修，其實呢間真係幾值得試，從以上食後感中睇到佢地嘅出品無論係功夫定係用料都同坊間唔同，明顯對每樣細節都有真心研究過，即唔係話出面冇一間比得上佢地咁誇張，但論心機呢度絕對唔會輸俾任何人✨
Post
