福星海南雞

Open Now

Now Closed

福星海南雞 (長沙灣)長沙灣元州街231-247號潤發大廈地下B1號舖地點非常就腳，地鐵站A2出口一轉右入元州街就見到揸車過嚟仲可以泊街 對正門口望實餐廳職員親切有禮，又介紹好嘢食，體貼嘅服務，街坊生意價錢唔貴，一定要支持吓。二人套餐$198 可選半隻海南雞、走地雞、口水雞一款小菜一款小食主食可以選擇油飯、白飯或米粉仲有兩個湯送雞肉份量多，雞皮滑嫩，配菜仲有花生、醃蘿蔔、流心蛋油飯飯香，乾身，平時唔食飯都忍唔住食晒仲有個湯配埋，湯材料有冬瓜、雞腎，清甜，食個飯配埋個湯，感覺非常舒服小菜選擇馬拉盞炒豬頸肉，火候十足，豬頸肉入味另外小食揀咗蝦餅，蝦餅彈牙二人餐份量非常之多，女仔嘅話其實四個人食都夠，除返開一人$50都唔使，好鬼抵食餐廳裝修非常光猛乾淨，牆上貼上一幅幅既Disney油畫同三眼仔收藏全部都係珍藏，餐廳骨子嘅格局，但都睇得出佢嘅用心，誠意推介。