Video
Read full review
2006-10-13
0 views
我係十月八號夜晚六時幾同我老婆去香港仔試下呢間餐廳，本來無乜抱咁大既期望，因為今年新年個陣去過灣仔個間印度餐廳，都一的唔好食，所以我唔敢有盼望....一入去時，有好大舊印度香料既味道，唔錯，唔錯；跟住有個印度女服務生好熱情比我地二人位坐，我地一坐下望，間舖頭係細d，坐得二十幾人，可能因為太遍遠，所以當晚得十人以下。跟住我地就點菜啦，個女服務生唔會講中文，但係佢好有耐心係餐牌指出有乜介紹，佢仲會聽懂少少中文，但係唔會講(佢最多都係講英文)，我地就點左一個$170蚊套餐，1}香蔥薯仔薄餅2}牛油薄餅(本來係白飯，我地想轉下薄餅，個女服務生就馬上說OK) 3}魚塊燒烤4}雜菜燒烤，最後我地叫左一杯芒果乳酸同埋檸檬梳打我地等左三分鐘，個女服務生乜都唔問，送我地一個脆餅同埋二個汁料，仲話係free，我一試下，綠色個汁，真係好好味，個餅都唔油膩，比八十分。等左十分鐘，先黎個頭盤啦~個香蔥薯仔薄餅好香....我同我老婆食時，老婆話個薄餅比灣仔好好多，因為灣仔個薄餅食下都唔夠呢間香同埋軟；跟住魚塊燒烤上黎啦，正呀~個魚塊雖然有少少乾，但係個汁無得彈，我同我老婆
一入去時，有好大舊印度香料既味道，唔錯，唔錯；跟住有個印度女服務生好熱情比我地二人位坐，我地一坐下望，間舖頭係細d，坐得二十幾人，可能因為太遍遠，所以當晚得十人以下。
跟住我地就點菜啦，個女服務生唔會講中文，但係佢好有耐心係餐牌指出有乜介紹，佢仲會聽懂少少中文，但係唔會講(佢最多都係講英文)，我地就點左一個$170蚊套餐，1}香蔥薯仔薄餅2}牛油薄餅(本來係白飯，我地想轉下薄餅，個女服務生就馬上說OK) 3}魚塊燒烤4}雜菜燒烤，最後我地叫左一杯芒果乳酸同埋檸檬梳打
我地等左三分鐘，個女服務生乜都唔問，送我地一個脆餅同埋二個汁料，仲話係free，我一試下，綠色個汁，真係好好味，個餅都唔油膩，比八十分。
等左十分鐘，先黎個頭盤啦~個香蔥薯仔薄餅好香....我同我老婆食時，老婆話個薄餅比灣仔好好多，因為灣仔個薄餅食下都唔夠呢間香同埋軟；跟住魚塊燒烤上黎啦，正呀~個魚塊雖然有少少乾，但係個汁無得彈，我同我老婆就拎薄餅係咁沾呢d汁食埋佢，仲食到唔停咁添...跟住再出埋雜菜燒烤同埋牛油薄餅，我同我老婆試下...點知有驚喜，個菜仲好新鮮，一的無烤過火，都幾ok既，加埋個牛油薄餅真係好一流，一的唔太油膩。
講埋個飲品，個芒果乳酸似益力多，但係無咁酸，值得推薦，仲有個杯檸檬梳打都幾正，飲落都幾醒神^^"
最後我地埋單，佢地比埋似糖果盒我地食下，我地因為食太飽啦，無食到；是晚埋單$170 + 加一服務費$17共$187 都唔係幾貴既，份量多，味道好，值得推介~~~
我地仲會下次帶埋我朋友黎食~
Post