Video
Read full review
2005-11-14
15 views
4-10-2005 1217叫得臥虎藏龍，相對我地食慣於屋企及旺區附近的食店，這些地方下下被遺忘得一乾二淨。Recap番大家，我大約在半年前寫了1及2集，分別係香港仔既禮品印度餐廳及Quarry Bay既媽媽印度餐廳，今日仍然有幸延續落去，而起點就在元朗安寧路，這裡交通都尚算方便，可以在西鐵朗屏站、元朗東巴士總站(e.g.: 968、68M)或近元朗中心的輕鐵或巴士站落車再行入去。中午時份去到當然成為第1個客人，都叫做幾地道，包括裝修及侍應都係充滿巴基斯坦的特色，環境是稍為舊了一些，但當然還可接受。這裡有午餐供應，每位35蚊，還有個50蚊，只不過多了個Fried Vegetable Pakoda (香脆雜菜) 及轉了Tandoori食品而已，不過對於我已‘退休’來說，平平地已經足夠。在四款的肉類中，我選了羊肉。首先當然唔少得既papadum (豆粉薄脆)，兩大塊幾脆，醬料方面有薄荷及酸洋葱，酸洋葱剛在冰箱取出，還未解凍，要扣分；湯就係磨菇湯，可以ignore；而主菜方面，plain naan 都3大塊，除了有少少燶外，味道及熱的程度也不錯，羊肉我叫左佢加辣，肉有少少酥味，幸好還有羊味，
叫得臥虎藏龍，相對我地食慣於屋企及旺區附近的食店，這些地方下下被遺忘得一乾二淨。
Recap番大家，我大約在半年前寫了1及2集，分別係香港仔既禮品印度餐廳及Quarry Bay既媽媽印度餐廳，今日仍然有幸延續落去，而起點就在元朗安寧路，這裡交通都尚算方便，可以在西鐵朗屏站、元朗東巴士總站(e.g.: 968、68M)或近元朗中心的輕鐵或巴士站落車再行入去。
中午時份去到當然成為第1個客人，都叫做幾地道，包括裝修及侍應都係充滿巴基斯坦的特色，環境是稍為舊了一些，但當然還可接受。這裡有午餐供應，每位35蚊，還有個50蚊，只不過多了個Fried Vegetable Pakoda (香脆雜菜) 及轉了Tandoori食品而已，不過對於我已‘退休’來說，平平地已經足夠。在四款的肉類中，我選了羊肉。
首先當然唔少得既papadum (豆粉薄脆)，兩大塊幾脆，醬料方面有薄荷及酸洋葱，酸洋葱剛在冰箱取出，還未解凍，要扣分；湯就係磨菇湯，可以ignore；而主菜方面，plain naan 都3大塊，除了有少少燶外，味道及熱的程度也不錯，羊肉我叫左佢加辣，肉有少少酥味，幸好還有羊味，不過加辣的部份只係加了指天辣，失去原本的應有味道，又要扣分，只不過係自己有點點要求；反而我覺得最好食的居然係杯飲品，我問可不可以轉lassi (*)，佢話只需加6蚊，當然要轉啦，飲落稍為甜左少少，但係奶乳酪味都幾重下，飲到底仍然有味，不會因有冰而轉淡。在個人而言，係一杯好有水準的lassi，還比老尖重慶大廈新德里餐廳出色。
埋單41蚊，都算係幾滿足的一餐。寫得第3集，當然還有第4集。
一點點知識(*)：
Lassi使用酸乳酪、水、糖或鹽、香料調製而成，也有芒果味，香港人還是喝甜的較易接受。據印度人說飯後可以幫助消化。
Post
