KLN Cafe (Closed)

觀塘多工廈餐廳就大家都知，原來街市入面都可以搵到咁chill既文青咖啡店。今日埋單兩個人都係100 蚊，超級抵食既文青餐館就係觀塘駿業街市一樓。店鋪既牆身用左灰色牆紙，格調唔錯。復古既海報充分展現文青既風格。今日星期五，都幾旺幾多人。但係又唔會有種好迫既感覺。 如果唔係聽日要番工，我實會試下佢既手工啤。最後叫左兩杯好fancy 既特飲，荔枝同蜜桃味梳打茶。個套餐十分抵叫，好似車仔麵咁，配料醬汁都自己簡，夠哂個人化。今日食既係芝士雜菌蝦仁意粉。跟餐沙律，飲品同小食都係半價。所以姐係薯條果d都係十四蚊，有醬，抵過又好味過麥記。超可愛既特飲。同埋要撈勻先好飲啊，糖漿係個底。 個人覺得多d氣會好飲d, 但係個造型咁令，打卡都值哂啦。然後係香燈鴨胸沙律，沙律菜好新鮮，鴨胸同香燈既味道都十分夾。好味！我地既主菜，十分足料既芝士意粉，見到嗎，有芝士絲架！好滑好香，又夠哂汁!個薯條即叫即炸，金黃香脆，配埋個蜜糖芥茉好正啊，超抵食，食完真係有衝動再叫多客。總括而言，呢到真係非常抵食又好味啊，文青們，偽文青們，上尼打卡或同朋友聊聊天都係一個好地方！