樓下冰室 (Closed)

為食的人，由茶餐廳到酒店的高級餐廳，都可以食得津津有味，稱心滿意。今日係荃灣，無心插柳下去了樓下冰室，找到了驚喜。入到去面門各樣光猛整齊樓底高，冰室來說很不錯了。好喜愛個個可樂罐造型的胡椒粉:-)冰室推介蕃茄通配炒滑蛋。色澤鮮紅夠傑身濃郁，酸度剛好，好好飲，一滴不剩。通粉口感偏硬，爽口有咬感，yummy! 滑蛋都炒到perfect, 沾滿蕃茄湯，双倍滋味。真心推！又一招牌瑞士雞翼。上碟個時仲有煙出緊，睇個色黑實實的，已經知道個汁好到家，雞翼也十分入味，同通粉的味道都夾既:-)晚餐不一定叫碟頭飯食，想食得light 一啲，呢個啱曬，有齊蛋治沙津豬扒。要讚的係吉列朱扒，無好似一般的沾滿炸粉，熱氣到爆，反而外層輕輕的吉列一下，個豬扒仲有一定厚度，咬上去好juicy!看圖不多作解釋，見到個蛋咁足料，夫復何求呢！餐牌並未有甜品，只好叫個西多士當甜品。一粒粒整定好曬，方便我呢啲懶人！多士好夠份量，勁厚，而且個心仲搽滿花生醬，仲食到好多花生粒，豐富左口感，不錯不錯。老實講，兩條友埋單先百四蚊，有得食，有得飲，有甜品，邊個話貴野一定好食，平民價就係劣食？！個蕃茄通要encore!!!!