龍門大酒樓 (Closed)

公司o係龍門附近，每天返工放工都會經過龍門，你的視線永遠被唔開龍門的大霓這廣告牌，睇番好多老照片不難發現'龍門'呢個廣告牌，不過'永遠'始終都要有結束的時候，龍門酒樓易手，又一老牌港人文化式酒樓要消失...之前黎過呢樹食過午飯，以經好幾年了，唔好期望呢樹環境好好或者食物一流，隨時都有意外'驚'喜(限於開飯嚴緊審核唯有略加修改以較可接受視聽，咩野'驚'喜，讀者加點想像力吧)，o個似嚇到女食客花容失色，諗起好笑。今朝早星期六返工經過，一個人買左籠叉燒包外賣，見到亞姐好忙招呼外賣客，點完點心後隨即放入膠袋發泡膠盒，我去收銀處俾過錢後，憑飛仔取包，見到亞姐已經將叉燒包包好並放在一旁: 「哥仔，你個叉燒包o係度..。」取過叉燒包後，閃身便離開，唔好阻住做生意。 見到好多年青坐上客，相信都係聞結業風冒名而至。返到公司將還暖的叉燒包拍攝下來同開飯朋友分享，賣相一如所料一般，味道還可以吧，一籠三個包賣HK$13，食出不止叉燒肉汁的味道，還有呢份六十年老香港茶樓的文化情懷。