一日三餐 (Closed)

嚟到一日三餐悅和豉油雞一定係必點既豉油雞飯（$69）睇餐牌價錢偏貴少少，不過實物份量好足，都ok。係鹹味比甜味重既豉油雞，豉油味好香，比左雞脾位，雞肉好滑，雞皮唔會太冧，依然彈牙。唔會話好食到空前絕後，但值得一試。乾炒牛河（$66）味道普通，油份多，入口油味比香味重，無乜豉油味，牛肉亦都比較韌。見到有人推介乾炒牛河，但只係普通貨色，呢個質素黎講好貴。賞花杏仁露（跟餐$6）嚟得一定要叫嚟打卡，不過我呢杯花瓣唔夠多，而且開得比較稀，但味道係合格既，可以試下。