喜茶 (Closed)

香港開左喜茶都一段時間，我終於去左飲。雖然已經係大陸飲左次，不過試下香港出左有咩分別都好，因為我成日都覺得其他地方引入黎香港既餐廳，質素係會差左幾多下。戈陣我地夜晚10點幾到去，雖然唔係話多到要排到出門口出面，不過係臨收鋪尼啲時間黎講都真係幾多人，果然大家都係仲貪緊新鮮。排左幾分鐘就叫左杯輕芝士金鳳茶王，然後過左陣就見到怇開始截龍，仲落左半閘，好彩早到左啲啲姐。不過等就真係一定等左成20分鐘有多，仲要見到前前後後既號碼都有得拎，但我戈杯就仲未有，不過原來過左陣發現係因為太多單太多野飲，啲員工搞錯左杯野，所以先等左咁耐，好彩杯野冇溶晒冰先拎到手姐，哈哈。不過重點係杯野都係好飲既，咁多人排，又臨收鋪，個質素算係唔錯阿。