Video
Read full review
2021-12-22
716 views
2021年12月5日 星期日今日同老婆出咗去旺角行街，準備添置嬰兒用品，行完朗豪坊之後見到呢一間麵包店好似新開張係正大街既轉角位，門面都幾光猛，而且有唔少人幫襯行近門口仲見到有新鮮出爐既法式布丁麵包食添，每日下午三點出爐，賣完即止，而咁啱我哋去既時間又係三點幾，於是立即買黎食睇吓咩味另外店舖仲有唔同種類嘅泡芙同班戟賣，其中有超大個水果泡芙，分別有草莓、藍莓同芒果，而且價錢仲要唔太貴，老婆見到已經即時心心眼，所以挑選左其中一款俾佢食除此之外，店舖提供嘅麵包款式都有唔少，見到全部都係熱辣辣，兼且價錢十分平民，難怪吸引左咁多人幫襯首先我哋即刻試個新鮮出爐既法式布丁包，咬落去質感好幼滑，味道唔算太甜，而法國麵包可能係岩岩出爐既關係，外皮好鬆脆，同布丁好夾，麵包吸收晒布丁既味，唔會好乾，感覺唔錯至於老婆想食既水果泡芙，佢要左草莓味，見到有好大粒草莓放係泡芙中間，加上勁多忌廉一齊食，十分邪惡，但出奇地食落去唔會覺得太膩，忌廉唔係過甜，而草莓既酸酸甜甜正好作一個中和，令到味道幾平衡，泡芙外皮都焗得相當唔錯，金黃色之餘，又做到脆卜卜既效果，老婆食得好滿足
今日同老婆出咗去旺角行街，準備添置嬰兒用品，行完朗豪坊之後見到呢一間麵包店好似新開張
係正大街既轉角位，門面都幾光猛，而且有唔少人幫襯
行近門口仲見到有新鮮出爐既法式布丁麵包食添，每日下午三點出爐，賣完即止，而咁啱我哋去既時間又係三點幾，於是立即買黎食睇吓咩味
另外店舖仲有唔同種類嘅泡芙同班戟賣，其中有超大個水果泡芙，分別有草莓、藍莓同芒果，而且價錢仲要唔太貴，老婆見到已經即時心心眼，所以挑選左其中一款俾佢食
除此之外，店舖提供嘅麵包款式都有唔少，見到全部都係熱辣辣，兼且價錢十分平民，難怪吸引左咁多人幫襯
首先我哋即刻試個新鮮出爐既法式布丁包，咬落去質感好幼滑，味道唔算太甜，而法國麵包可能係岩岩出爐既關係，外皮好鬆脆，同布丁好夾，麵包吸收晒布丁既味，唔會好乾，感覺唔錯
至於老婆想食既水果泡芙，佢要左草莓味，見到有好大粒草莓放係泡芙中間，加上勁多忌廉一齊食，十分邪惡，但出奇地食落去唔會覺得太膩，忌廉唔係過甜，而草莓既酸酸甜甜正好作一個中和，令到味道幾平衡，泡芙外皮都焗得相當唔錯，金黃色之餘，又做到脆卜卜既效果，老婆食得好滿足
Post
