Video
Read full review
2023-07-10
7 views
🍴鴛鴦烤魚口味(江團魚) $368呢度嘅烤魚口味比較創新特別，仲可以揀鴛鴦口味，平時都係食開香辣烤魚，今次就揀咗「金波羅酸辣味」同「紅火蕃茄味」。「金波羅酸辣味」湯底係用咗新鮮菠蘿金湯再加上辣椒，味道酸酸甜甜帶少少辣，非常開胃。「紅火蕃茄味」除咗用蕃茄，仲加埋剁椒同甜紅椒，而且呢度嘅湯底可以揀酸度同辣度，唔食得辣嘅朋友都可以食到。烤魚魚種我哋揀咗江團魚，非常鮮味而且好易起骨，加埋餐廳半煎炸條魚先放入爐，會更加香口😋🍴墨魚三色滑 $58 & 雪花肥牛卷 $88呢度嘅墨魚滑同樣好特別，餐廳整成三個唔同嘅味道(南瓜味、原味同菠菜味)，其中菠菜味會比較突出，同埋魚滑都好彈牙。另外叫咗份雪花肥牛卷，索晒啲湯食勁正！🍴咕嚕咕嚕元氣九宮格 $188叫咗個九宮格小食拼盤，一嚟店員會放上乾冰飄曬煙咁，好啱打卡✨入邊會有川辣豬耳仔、手撕雞、雞腎、雲耳同手拍青瓜等，幾款小食都唔會好辣。🍴勁量1.3公升解辣特飲 $48呢度嘅特飲玩名得嚟又超大杯，但係價錢同出邊餐廳差唔多！我哋分別叫咗「自柑墮樂」(金橘、檸檬、菠蘿溝可樂）同「菠蘿Me」(蜜瓜、菠蘿溝雪碧)。用嚟送濃味嘅嘢食一流，我哋都鍾意飲「菠蘿Me」多啲，因
🍴鴛鴦烤魚口味(江團魚) $368呢度嘅烤魚口味比較創新特別，仲可以揀鴛鴦口味，平時都係食開香辣烤魚，今次就揀咗「金波羅酸辣味」同「紅火蕃茄味」。
「金波羅酸辣味」湯底係用咗新鮮菠蘿金湯再加上辣椒，味道酸酸甜甜帶少少辣，非常開胃。「紅火蕃茄味」除咗用蕃茄，仲加埋剁椒同甜紅椒，而且呢度嘅湯底可以揀酸度同辣度，唔食得辣嘅朋友都可以食到。
烤魚魚種我哋揀咗江團魚，非常鮮味而且好易起骨，加埋餐廳半煎炸條魚先放入爐，會更加香口😋
🍴墨魚三色滑 $58 & 雪花肥牛卷 $88
呢度嘅墨魚滑同樣好特別，餐廳整成三個唔同嘅味道(南瓜味、原味同菠菜味)，其中菠菜味會比較突出，同埋魚滑都好彈牙。另外叫咗份雪花肥牛卷，索晒啲湯食勁正！
🍴咕嚕咕嚕元氣九宮格 $188
叫咗個九宮格小食拼盤，一嚟店員會放上乾冰飄曬煙咁，好啱打卡✨入邊會有川辣豬耳仔、手撕雞、雞腎、雲耳同手拍青瓜等，幾款小食都唔會好辣。
🍴勁量1.3公升解辣特飲 $48
呢度嘅特飲玩名得嚟又超大杯，但係價錢同出邊餐廳差唔多！我哋分別叫咗「自柑墮樂」(金橘、檸檬、菠蘿溝可樂）同「菠蘿Me」(蜜瓜、菠蘿溝雪碧)。用嚟送濃味嘅嘢食一流，我哋都鍾意飲「菠蘿Me」多啲，因為真係好香蜜瓜汽水味，仲會有啲菠蘿粒可以食到。
🍴咕嚕咕嚕圍爐肆甜 $168
最後嘅甜品都會用乾冰飄煙送嚟，成餐飯都好打卡able🤣除左有爆珠冰粉，仲有紅糖糍粑同埋龍鬚糖，可以食到唔同川菜甜品好正！
Post
