巴巴串

Open Now

Now Closed

我哋去咗試呢間自助串燒放題，有3個套餐，我哋揀咗個中價位嘅B餐，$268一位，2個鐘任食！首先講吓個重點——串燒！B餐已經有安格斯牛板腱、牛仔骨、牛粒、封門柳，仲有豬腩肉、雞泡魚乾同扇貝！安格斯牛肉系列，牛味濃郁，尤其係牛板腱，油花分佈均勻。除咗呢啲，自助區仲有好多款串燒任食！菠蘿、粟米、冬菇、棉花糖呢啲甜品串燒都幾得意，小朋友一定鍾意！其他好似韓式泡菜豬腩肉、黑椒牛柳粒、秘醃牛肋肉、鹽燒牛脷，樣樣都惹味！雞中翼同墨魚丸都做得唔錯，唔會乾爭爭。自助區仲有好多前菜、熱盤同甜品！熟蝦、翡翠螺、藍青口都幾新鮮，中華沙律、蒜味螺肉、泰式風爪都幾開胃！炸嘢方面，印尼蝦片、炸地瓜球都夠脆口，焦糖爆谷就啱晒小朋友！雪糕有香港品牌雪糕。除咗自助區，仲有即叫即煮、即叫即炸、即叫即燒！巴巴炒烏冬、腐乳唐生菜、蠔油菜心、惹味燒韭菜呢啲都幾惹味！椒鹽燒賣、炸薯條、炸墨魚腐皮卷、炸雞翼、炸魚餅、炸餃子，炸嘢控嘅天堂！燒鹵水豬大腸、蒜蓉焗蠔、鹽燒海蝦、牛仔骨，呢啲即叫即燒嘅，新鮮熱辣！