Lab Eat Bistro (豉油街) (Closed)

今日已經嚟呢間餐廳係第五次啦！可以話係佢哋嘅忠實fans，我最鍾意就係佢哋餐廳嘅氛圍！無論係環境定係職員服務態度都係非常之唔錯的。今日轉左新Menu所以我都急不及待預約一個晚餐嘅位置同男朋友共享一個半自助嘅晚餐😳😽美國穀飼天然牛腰扒😽作為主菜，另外再加錢享用佢哋嘅半自助區，首先講吓佢哋嘅牛肉扒先！好嫩口好多肉汁，一咬落去滿口牛肉香😍好似仲加咗啲香草，因為個味道都幾出。😽自助區😽分咗好多唔同嘅區域，我自己最鍾意就係海鮮區同埋小食區！海鮮區就有好多好多嘅海蝦等等我！全部都大大隻隻肉質非常彈牙，絕對唔梅‼️另外小食方面，我自己就最鍾意佢哋嘅雜錦芝士拼盤，因為好多唔同種類嘅芝士可以俾我哋自己揀嚟嘅麵包，有幾款味道都好濃郁㗎👍🏻整體黎講，今晚嘅餐廳食物好有水準同平時一樣，而且自助區亦都唔呃錢真係有海鮮食。價錢合理。我會推介俾朋友嚟試下！