Video
Read full review
2022-11-15
3127 views
朋友話呢間酒店嘅自助餐喺網站票選為十大人氣自助餐，於是相約來一試，經網站預訂及付款，每位實付351元。酒店大堂極具華麗，氣派十足， 餐廳在酒店3樓，座位與座位之間距離足夠，唔會覺得好迫，食物區係一字排開，取食物都幾方便，取蟹腳及生蠔位置就需要排隊。先簡略介紹下有乜嘢食：凍海鮮有必食嘅蟹腳、即開生蠔（初頭每人每次只可以拎兩隻，到後來就可以拎3隻）、龍蝦鉗、凍蝦、青口等。刺身就有三文魚、吞拿魚、鯛魚、八爪魚同甜蛋，另外還有各款壽司同冷麵。燒肉類就有燒肉眼牛排同燒火腿。湯就有中西湯各一款，分別係合掌瓜雪耳排骨湯（呢個湯好飲好清潤）同南瓜湯。燒味就有义燒、油雞、燒鴨同紅腸。熱葷就有清湯蘿蔔牛腩（牛腩較細嚿但都夠淋）、南乳炆豬手（好香南乳味，但豬手要再炆淋啲就 perfect ）、魚柳（都幾滑，味道唔錯）。還有即淥粉麵同 pizza。仲有唔少得嘅印度咖喱羊同咖喱什菜，以及日式嘅什錦天婦羅。至於甜品就都有好多選擇，包括士多啤梨雲呢拿慕絲蛋糕、法式栗子撻、德國芝士蛋糕、木糠布丁杯、檸檬蛋白撻、巴黎泡芙、黑森林蛋糕及柚子意式奶凍等。另外雪糕就有成十款口味可供選擇，生果就有基本嘅西瓜同蜜瓜。蟹腳都幾大隻
酒店大堂極具華麗，氣派十足， 餐廳在酒店3樓，座位與座位之間距離足夠，唔會覺得好迫，食物區係一字排開，取食物都幾方便，取蟹腳及生蠔位置就需要排隊。
先簡略介紹下有乜嘢食：
凍海鮮有必食嘅蟹腳、即開生蠔（初頭每人每次只可以拎兩隻，到後來就可以拎3隻）、龍蝦鉗、凍蝦、青口等。
刺身就有三文魚、吞拿魚、鯛魚、八爪魚同甜蛋，另外還有各款壽司同冷麵。
燒肉類就有燒肉眼牛排同燒火腿。
湯就有中西湯各一款，分別係合掌瓜雪耳排骨湯（呢個湯好飲好清潤）同南瓜湯。
燒味就有义燒、油雞、燒鴨同紅腸。
熱葷就有清湯蘿蔔牛腩（牛腩較細嚿但都夠淋）、南乳炆豬手（好香南乳味，但豬手要再炆淋啲就 perfect ）、魚柳（都幾滑，味道唔錯）。還有即淥粉麵同 pizza。
仲有唔少得嘅印度咖喱羊同咖喱什菜，以及日式嘅什錦天婦羅。
至於甜品就都有好多選擇，包括士多啤梨雲呢拿慕絲蛋糕、法式栗子撻、德國芝士蛋糕、木糠布丁杯、檸檬蛋白撻、巴黎泡芙、黑森林蛋糕及柚子意式奶凍等。另外雪糕就有成十款口味可供選擇，生果就有基本嘅西瓜同蜜瓜。
蟹腳都幾大隻又有鮮味，好受歡迎，但 refill 得好快，抵讚！
即開生蠔，有啲畧嫌較瘦削，較一般。
刺身整體算唔錯，三文魚較特出，好肥美！吞拿魚食落冇渣，都幾好！
煙三文魚就較鹹，最讚就係呢塊燒肉眼牛扒，賣相已經相當吸引，肉質夠哂粉嫩，入口好 juicy！
甜品試咗幾款都算唔錯。
Post
