Video
Read full review
2021-07-23
1618 views
Staycation Package包咗雙人自助晚餐🍽，睇返酒店大堂宣傳牌都要價六百幾蚊一位，試吓佢係咪真係值呢個價先😮！用餐時間由夜晚6點至10點，為咗睇日落8點先食，一入到餐廳見到自助吧由門口延伸到差唔多盡頭，睇落好多嘢食喎！食物就睇下面評價啦，服務方面收碟都幾快，經常都有侍應經過，而且佢哋都樂意幫手影相📸️。另一個周到位係食物檯係有蓋嘅器皿附近，都有毛巾墊住，方便食客放低鍋蓋，夾食物更方便👍🏻。成間餐廳佔地頗大，位於三樓低層望唔到維港景，令一邊可以望到啲泳池景，而且樓底好高唔會有壓迫感。不過天花嗰啲紫色裝飾燈，真係Foodie敵人，因為影啲相全部都有死亡Barbie紫💀，執色都執到暈————————————————👅日韓自助晚餐（平日$628/位）🔸海鮮類：👉🏻波士頓龍蝦喺繁忙時間成日得幾隻，食落無咩味又乾瘦🦞，加拿大蟹腳相對好少少，多肉啲同有啲海水鹹味🦀，青口同蝦都一般，痴殼就知新唔新鮮。每人每次可以拎兩隻生蠔，望住師傅逐隻清洗，都係有少少蠔殼🦪，唔特別出色。凍海鮮拎咗一輪就夠，勝在多選擇👉🏻行到埋壽司檔，見到有帶子、海膽壽司同七吋阿根廷赤蝦刺身，真係雙眼發光🤩，刺身價位較高檔，
食物就睇下面評價啦，服務方面收碟都幾快，經常都有侍應經過，而且佢哋都樂意幫手影相📸️。另一個周到位係食物檯係有蓋嘅器皿附近，都有毛巾墊住，方便食客放低鍋蓋，夾食物更方便👍🏻。成間餐廳佔地頗大，位於三樓低層望唔到維港景，令一邊可以望到啲泳池景，而且樓底好高唔會有壓迫感。不過天花嗰啲紫色裝飾燈，真係Foodie敵人，因為影啲相全部都有死亡Barbie紫💀，執色都執到暈
————————————————
👅日韓自助晚餐（平日$628/位）
🔸海鮮類：
👉🏻波士頓龍蝦喺繁忙時間成日得幾隻，食落無咩味又乾瘦🦞，加拿大蟹腳相對好少少，多肉啲同有啲海水鹹味🦀，青口同蝦都一般，痴殼就知新唔新鮮。每人每次可以拎兩隻生蠔，望住師傅逐隻清洗，都係有少少蠔殼🦪，唔特別出色。凍海鮮拎咗一輪就夠，勝在多選擇
👉🏻行到埋壽司檔，見到有帶子、海膽壽司同七吋阿根廷赤蝦刺身，真係雙眼發光🤩，刺身價位較高檔，部份五星級酒店都未必有提供。但係赤蝦就夠大隻，冇咩蝦味同鮮甜味，純粹食緊一嚿蝦肉刺身😫。海膽係甘甘甜甜，帶子啖啖肉，隱約都食到啲鮮甜，厚切三文魚尚算肥美，而且份量都俾得幾多
🔸熟食類：
👉🏻簡單啲講句就真係乜種類都有食🗺，中式有片皮鴨、炒龍蝦鉗、花膠鴨掌、滷水燒味等，日式/韓式有炸物、天婦羅同人蔘雞湯，雞湯都幾夠味，炸蠔口感都唔錯😋，但多數係貴多不貴精
👎🏻食自助餐最期待係食扒，牛扒同羊扒切出嚟係一圈啡色圍住瘀紅色部分🗿，用眼睇都知件扒拎得生果金，望落去都唔多開胃，食落韌到同湯渣有得揮
👎🏻另一貴價位係有香煎鵝肝配蘋果醬，每人每次可以拎兩件，鵝肝有一陣唔太討好又好濃烈嘅肝醬味🤢，象徵式有得俾你食下咁解
🔸甜品類：
👍🏻全民最值錢最無伏嘅回本位嚟喇！當晚有10款Movenpick雪糕任食🍦，每款味都唔錯，個人最鍾意雲呢拿布朗尼同藍莓芝士蛋糕味，配埋窩夫又得🧇，欣賞佢哋就算接近10點都唔會減少口味
👉🏻門口有一張長自助枱放晒唔同嘅甜品，有西式蛋糕、日式和菓子同水果🍉。對於一個有要求嘅甜品控（即係我），啲質素都係流流地啦，唯獨係芒果拿破崙可以一試👌🏻，雪糕附近放咗熱甜品，有中式糖水、豆腐花、葡撻仔⋯估唔到仲有即整心太軟，臨緊結束時間廚師都願意幫我地用光波爐焗，10分鐘後出返嚟拎，唔知係咪焗得耐，心太軟都變咗心太硬🖤，用誠意搭救啦
🔸飲品類：
👉🏻提供自助咖啡機同茶水檔可以自製茶啡等☕️，食自助餐都係飲下檸茶消滯好啲
🔸沙律類：
👉🏻有一張幾大嘅自助吧放滿唔同嘅沙律，有啲係自己mix，有啲係預先整好🥗，無試就比唔到comment
————————————————
🚩總結：我會形容係自助式形式嘅大食會，原價自費食就應該唔會啦⋯😅如果對食物質素唔高，應該都可以食得爽快
————————————————
🌟注意：可以事先打電話請餐廳幫手寫生日快樂朱古力牌，會放係門口嘅外賣蛋糕櫃，好彩J生經過無彩到，否則穿煲🤭！蛋糕要自己係自助吧夾，酒店唔會提供額外蛋糕，需要時同侍應講就得，不過侍應姨姨都好好幫我排靚一碟，比返火柴同蠟燭🕯️，最後J生自己行出嚟踢爆咗我⋯真係驚喜破壞者⋯
————————————————
📍 Harbour Grand Café
地址：北角油街23號港島海逸君綽酒店3樓
.
🗺地區：#bem北角
📥分類：#bem酒店
💰人均消費：#bem_401至800蚊
Post
