普慶餐廳

Open Now

Now Closed

無意中在OpenRice找到逸東軒酒店裹的普慶餐廳做緊$98優惠價自助早餐，向來不喜歡自助餐，一來人頭頭擁擁，個個衝呀衝呀去拿食物，囫圇吞棗個個都話抵，卻苦了自己肚皮，做嘢都咁辛苦啦，又唔係冇得食，食就要食得精、食得舒服、食得知其味，又何苦貪平食到滯咗！今早就booked咗2位9:15am這個自助早餐之旅。希望慢慢食吓品嘗吓，改變自己主觀的睇法，侍應安排了一個相對較静的單邊位給我，週圍環境佈置很平實，沒有一點豪的感覺，舒服👍值得一提是侍應姐姐很有禮貌和殷勤，顯示出有受過有系统性的training，店内可分為四區，麵包果酱、中式粉麵、西式早點、飲品麥皮，食物供應全面的。出去拿了碟所謂自製早餐和奄列，打卡就色彩繽紛，味道卻一般，最好食是那片bacon，腸仔偏硬沒有肉汁，磨菰冇嚟聞味，feel唔到係外來品。杯紅茶有色但味同清水，勝在夠熱啦。奄列稍為好些但也不及茶餐廳的好味，全埸最好的是麵包。雖然食唔係咁好食，但也勝過一般酒店自助早餐，傾下食下，這裹是一流的。