德福閣

餐廳位於酒店內，鄰近旺角地鐵站，提供多款國際美食，自助午餐就兩個鐘，自助晚餐就三個鐘，一至日都供應，雖然菜式嘅種類唔及出邊嘅自助餐多，但勝在款款味道出色，而且價錢都好親民化，值得到訪😜每人會先送上生蠔，大大隻，鮮甜美味，可惜無得encore🤣 如果怕生嘅出面亦有焗芝士蠔，芝士鋪到滿滿，邪惡又滿足呀～ 先講講主食，值得一提嘅有燒春單羊脾，因為出面比較少見，食落唔嚡，感覺都唔錯👍🏻 其他主食有麻辣水煮牛肉、香桃燒汁煎鸭胸、辣子雞、中式炒飯、薑蔥炒青口、清蒸海上鮮、海南雞等，個人最推燒排骨，望落個樣仲以為唔掂，點知好有驚喜，肉質超級嫩滑，肉骨分離，BBQ汁甜度適中，絕對係回本之選～ 另外日式茶碗蒸同北菇扒上素都唔錯，記得留肚😎凍盤有刺身、海鮮、壽司、沙津、涼拌小食，呢度嘅長腳蟹鮮甜美味，沙津款式好多，食落開胃，好鍾意菠蘿雞同加州沙津，唔會放好多醬，所以感覺幾健康～ 而涼拌小食都唔會hea你，例如意式焗茄子都係有烹調過嘅🙈 甜品最期待嘅係疏乎厘，即叫即整，口感香甜而且富空氣感～ 仲有香芒布甸、芝士蛋糕、朱古力蛋糕、菠蘿牛油蛋糕、啫喱等等，中式甜點有薑汁燉奶，薑味突出，牛奶香濃，美味無窮😋 焗葡