福岡漢堡扒 (鴻威大廈)

Open Now

Now Closed

《福岡漢堡扒》喱間韓國過江龍由佢岩岩開黎香港話想食想食，點知去到依加先食到，已經由一間舖開到變三間舖😂🐂🐂🐂🐂🐂▪︎兩人套餐 Ver 4▪︎。菠蘿煙肉和牛漢堡扒 (中）。芝士蛋蒜和牛漢堡扒 (中）。芝士泡菜豚丼飯。罐裝飲品x2↪️套餐先上了韓式大醬湯和沙律菜，過左一陣就好快上埋漢堡扒。漢堡扒好得意，成個圓形波波，自己用個迷你剷仔剷起啲肉放落舊熱石上煎熟佢，非常過隱。加上半溶芝士和半熟煎蛋幾正，想香口啲可以點蒜片版，想解解膩可以點菠蘿版。套餐跟嘅芝士泡菜豚丼飯超邪惡，上面滿滿嘅芝士，配埋香辣泡菜和爽嫩豚肉非常惹味。丼飯份量超多，可以用埋啲飯黎送漢堡扒。