彩龍茶樓

Open Now

Now Closed

每個星期日我都會約屋企人去附近飲茶，今次我哋揸車去咗大帽山村龍飲茶，川龍總共有兩間就茶樓，而我哋今次去嘅係近住巴士站嘅彩龍茶樓，入到入邊充滿着丁屋嘅設計，完全唔似一般嘅茶樓，古色古香。我哋上咗去樓上揾位，途經一個茶水間，所有嘢都係自助式，我哋總共叫咗三個點心，一碟菜。食物方面，D牛丸幾新鮮，又彈牙，食落好有口感，而唔會太硬咬唔入。至於個燒賣真心爽口，食落香甜，入面D豬肉都非常新鮮，帶住鮮香味，咬落啖啖肉汁，非常爽口。個蛋餃，我就覺得同出面嘅酒樓差唔多，菜既味道好鮮甜，如果一定要講出不同之處嘅話，依度會多左農村既風景同懷舊嘅風格。整體上，食物水平都係可以，行完山或者睇完日出去食下，淨係食個感覺都正。