團日式拉麵

Open Now

Now Closed

午飯時間係荃灣食lunch，路過呢間拉麵店，仲有部去親日本都成日見到既拉麵自動販賣機放係門口，就決定入去試試佢！排左一陣隊，大家都用左d 時間係部機度買野食，拉麵只有四款選擇，飲品就比較多有十幾款揀。留意番部機係唔收$500同$1000蚊紙架...係門口買完就入去坐低等開餐。快子套上寫左有趣既日文金句。叫左碗魚介拉麵，湯底濃而不膩，食到魚既鮮味，麵身有得揀曲麵或直麵，任君選擇，個人推介曲麵，可以更加吸收魚介湯底既精華。日式叉燒有兩塊，份量剛剛好，肉質唔會太淋或太韌，係煮到恰到好處既叉燒。拉麵既精粹 - 溏心蛋，內裡仲係流心既狀態，半生熟既蛋黃拿捏得剛剛好。極具特色既日式汽水，唔會輕易係其他地方搵到。