URBAN Café Commune (MOKO新世紀廣場)

Open Now

Now Closed

去MOKO搵餐搵餐晏仔食下，行黎行去，兜埋foodcourt，好似都唔係好知想食咩。中庭中間既urban，次次黎都經過，但係唔沉望餐牌都知唔平。今次經過見到外賣自取有八折，睇佢既晨光第一炮好似好豐富又幾抵食，就試試佢。成set野好豐富，望落就有種咩都有既感覺。炒蛋夠滑夠大份、香腸size都唔錯、炒菇都唔少。重點係，可能佢冇哂parma ham，用埋煙三文魚黎搭救既關係，老實講，除左自助餐，都好少一餐食成四五疊煙三文魚咁多，拎埋黎夾佢個牛角包都夠。呢分錢，呢個份量就ok既，有埋牛角包。但味道就有d別出心裁地淡，蛋、菇係冇咩咸味，腸都算係比較淡口，唯獨是煙三文魚係夠咸。自取八折，雖然折左一截，但都唔平呢。冇湯冇野飲，都係間中豪下就好。