Isaak's

Open Now

Now Closed

同阿媽一齊行街午餐突然間想食韓國菜。就係OpenRice search到呢間韓國餐廳。餐廳環境好大我哋去到嘅時候客人唔多可以自由選擇座位，但燈光較暗。餐廳價錢唔算平但係勝在選擇夠多，有各種湯同鍋，年糕，炸雞，仲要我摯愛紫菜包飯。餐廳係自助形式需要自己搵位同埋order。我叫了套餐年糕跟紫菜包飯及飲品，阿媽就叫了清淡的湯年糕。紫菜包飯味道尚可飯比較多，但包得緊實唔會散。年糕口感煙韌味道偏辣，我將紫菜包飯點年糕汁食味道不錯。湯年糕看似清淡但識落湯不算太淡，年糕是扁身一片片那一種，所以食落比較軟身，較適合老人家。整體來說味道不過不失沒有很經驗的味道但亦是正常的韓國口味。餐廳是自助式沒有太多服務但好在上菜快，如果想自在地食一個韓式快餐會是不錯的選擇。