勝興茶室

Open Now

Now Closed

路過門口時，友人見有阿姐推點心車，大喜，話不如試呢間囉。(小妹心諗：佢可能太肚餓，想快d開飯姐﹗)據聞勝興茶室的點心係自家製的。鳳爪排骨飯和鹹魚肉餅飯幾好食，排骨入味、肉餅香滑，尤其飯香軟好味，鹹味適中的豉油，跟飯簡直係絕配，非市區酒樓無誠意的蒸飯，小妹食左好多飯……點心車阿姐推薦的粉果皮薄餡靚，入口煙韌，味道ok，若再多點沙葛則會更爽口更有嚼口。蔥花蝦米腸粉超薄超滑嫩，不過，腸粉質感與坊間截然不同，不知店家用左咩粉來做腸粉呢？米粉嗎？ 我哋仲叫左四寶滑雞扎、蝦丸燒賣、蟹黃蒸燒賣及古法馬拉糕等，味道一般，無甚特別。