包點超人 (差館里) (Closed)

平時經過黃埔，想買早餐食有好多選擇，不過今日想食下， 一啲飽肚嘅食物 ，唔想再食三文治 ，粢飯做早餐， 就去咗買餃子自己煮嚟食。包點超人呢間店舖嘅餃子都係有店員自己包嘅，自家製作， 非常新鮮店員話好多嘅食材唔放得耐，所以某個時段先可以買到， 平時好多地方都冇可能買到1.7hkd 一隻餃子，但係呢間店舖嘅餃子就34蚊20隻， 仲有六種味道揀，我平時買開芹菜/韭菜/椰菜餃都好好食。一份早餐十隻餃子食到非常濟，正。難怪平日咁多師奶，都會喺店舖度買嘢，每次經過都一定見到有人畀緊錢，三個店員都應付唔嚟。