立体派拉麵 (威靈頓街)

Open Now

Now Closed

我和朋友被牆上的壁畫所吸引，影影下相先發現到哩間隱世拉麵餐廳，餐廳以食拉麵為主，我同朋友各自叫左碗自己喜好的拉麵，再加多份韮菜餃子，食物大概10分鐘左右就送上，餃子煎得很軟熟，食到鮮製的味道係當中。拉麵黎了，我果碗係鯖魚湯香菇野菜海蝦拉麵，嘩，配埋三隻大蝦甚有睇頭，朋友都兩眼發光望住我果碟蝦，而朋友果碗係特級白湯拉麵，雖然係細碗，但份量一點都不少，朋友食完都話好飽，我偷飲了朋友拉麵的湯底，是超濃郁的雞湯，唔係平時飲到的雞湯底，而係飲到似精華的感覺。我開始品嚐我碗拉麵，好多蔥絲和蔬菜係拉麵面，拉麵食落口感好滑，是非一般買回來加工的質感，感覺比較特別，跟住開始食大蝦，咬落先知道原來是用濃郁的酒浸泡，蝦的質地依然保持彈牙，好味。朋友都偷食左一隻，都覺得很美味彈牙。朋友之後仲叫左個蕃薯脆波波，簡單的甜品小食，新鮮即炸，食落唔會好甜及油膩。食完美味的一餐，就繼續和朋友去附近行街shopping 。