大家樂 (Closed)

呢日喺金鐘聽完講座，想食埋晚飯先返歸。不過，又唔想食飯。咁啱俾我見到"和風紙上燒"，見價錢同一哥火鍋差唔多。咁就一於體驗下乜野係紙上燒。首先，食物既擺位都幾整齊。喺燒之前，會有一個日式蒸蛋。蒸蛋好有蛋味，而且好滑同惹味。可以減低油膩既感覺。配料主要有金菇牛肉卷、露筍牛肉卷。仲有一串雞軟骨。其他既配料都係雜菜絲同一件冬菇。肉食方面，牛肉卷都算幾出色既。味道都幾可口，肥牛都算幾新鮮既。但對比上，露筍牛肉卷會得我歡心，可能我唔係太鍾意食金菇啦。而雞軟骨既醃味都幾可口，不過得一串既雞軟骨就好似少左啲啦。食到最後，仲有個烏冬可以自已炒。首先，將烏冬放入個爐到。之後可以加上烏冬汁同雜菜炒，炒左一陣就食得架啦。我個炒烏冬都唔錯既，雖然個賣相爭少少。不過味道都ok既。四十幾蚊自已煮飯仔，抵唔抵真係見人見智啦。食物整體上都ok既，個份量真係幾飽架。佢地又驚你唔識煮飯仔，仲有張紙教你點燒同炒啲野食。認真的貼心。