壹燒鵝 (興裕大廈) (Closed)

同女女快閃天后食lunch，呢間燒味舖正正係巴士站落車個位，平時坐巴士經過都見到。店面同一般燒味舖無異，但裡面別有洞天。外面望以為鋪頭細細，無裝修，行入去先見到咁令，咁有心思。佈置得有點cafe feel, 梳化位舒適，仲有cushion。樓上還有一層，可以包場開party。我叫了呢度出名的燒鵝髀飯，另加隻鹹蛋。餐廳係源自深井陳記燒鵝，而且所有燒味都是店內自家燒製，所以食物質素有一定保證。燒鵝髀啖啖肉，皮香肉嫰，送飯食既滋味又飽肚。女女就食油雞髀拼燒腩仔飯，油雞超滑溜，熟度剛剛好，骨頭中僅有點紅，雞肉剛剛熟係最滑的，加杯凍阿華田，完美的午餐!