壹燒鵝 (興裕大廈) (Closed)

朋友突然間想食燒鵝、冇理為咗隻燒鵝特登入深井架嘛。 上網睇， 見到有間喺天后附近， 見近近地就去試下。 入到去餐廳， 一望就知係專做街坊生意， 感覺好親切。 據說餐廳嘅燒味全部都係自家燒製， 望兩望就決定咗食乜喇 - 燒鵝（例牌，上庄）、 燒腩仔 同埋魚香茄子。 燒鵝味道唔錯， 平時燒鵝上庄呢個位有機會會鞋口， 但呢度冇呢個問題， 價錢比深井平， 贊！燒腩仔， 肉同肥膏比例係我心水（1/3 肉 2/3肥）， 個皮燒得好香脆， 最愛！ 對比之下， 魚香茄子就冇特別， 同平時其他餐廳嘅味道咁上下。 但值得一贊嘅係個份量夠大碟。 整體感覺唔錯， 價錢合理， 下次可以試吓唔同嘅燒味！