潮食 (乙明邨街市) (Closed)

今日天朗氣清，太陽伯伯既光芒超強🌞做户外活動都係一個好大既挑戰，決定由大圍踩單車去大尾督，沿途進行小食之旅🚲第一站就係乙明邨既潮食，被稱為雞蛋仔界既麥當勞🌕本身係上水既小食店，轉戰黎沙田兩年就贏盡街坊既心，仲以自家特色雞蛋仔同格仔餅上埋各大美食雜誌。乙明街市係舊式屋邨商場，街市和商場混搭而成，不是密閉空間，所以冇冷氣嘆🥵潮食面對住民居方向，去到既時候都有幾個小朋友係度摞家長買小食，令我諗返細個已經好為食既自己👧餐牌一目了然，分為主食類既手撕雞同埋餸菜包，仲有今日特登黎食既雞蛋仔同其他小食📜有超過廿款雞蛋仔，咸甜各佔近十款。🍔豬柳蛋雞蛋仔 | $31 | 9.5/10呢間鋪頭既代表作，將雞蛋仔同豬柳蛋漢堡融入，將漢堡扒切成一粒粒倒入去烘熱既蛋漿入面🍳半熟再打入雞蛋，成型後再夾塊芝士融一融，最後拎返起吹風扇。外脆內軟既雞蛋仔夾實豐富既餡料，每一啖都有材料，配合拉絲芝士極邪惡🧀比麥當勞版本好食咗幾倍。