Video
Read full review
2017-05-15
180 views
話說自己成日去Soho飲野食飯，但從來冇帶過媽咪去食，於是今晚做個孝順嘅孩子，同佢去飲杯野食餐飯。一路行行行，好在今晚唔算好熱，否則真係會發癲。6點嚟到，得我哋兩個，店員全部都係外籍人士，非常親切友善地介紹食物俾我哋。原來呢度唔落味精、食物來自無農藥嘅地方等，值得支持吖！Garlic prawn ($85)雖然我唔食蝦，但呢個係必點喇呱！一上菜已經香到想喊，蒜片偏軟，連埋蝦一齊食係無得頂㗎！蝦夠大隻，口感勁好勁鮮甜；呢度菜主要係用橄欖油半泡半煎蒜片及蝦，所以靚嘅橄欖油完全係靈魂，連最底嗰啲橄欖油都充滿蒜香，好味到呢......Provencale mussels ($190)我真係好鍾意食青口！每次見到青口都會諗起比利時嗰大鍋青口，念念不忘.... 竟然喺呢度俾我食返嗰種感覺，因為夠大鍋，差不多有成40隻！唔算非常肥美，但已經好滿足！用番茄、檸檬、香草汁等令青口味道好清新，徘徊在似酸又甜之間，超級好味！同比利時唔同嘅係呢度用新鮮炸起嘅薯仔，店員話唔係落茄汁食，係要點啲番茄醬汁食㗎，熱辣辣嘅薯仔上面仲有啲椒鹽，更加惹味，諗返起都流口水Ribeye steak ($180)好耐冇食過牛扒，
Garlic prawn ($85)
雖然我唔食蝦，但呢個係必點喇呱！一上菜已經香到想喊，蒜片偏軟，連埋蝦一齊食係無得頂㗎！蝦夠大隻，口感勁好勁鮮甜；呢度菜主要係用橄欖油半泡半煎蒜片及蝦，所以靚嘅橄欖油完全係靈魂，連最底嗰啲橄欖油都充滿蒜香，好味到呢......
Garlic prawn
$85
8 views
0 likes
0 comments
Provencale mussels ($190)
我真係好鍾意食青口！每次見到青口都會諗起比利時嗰大鍋青口，念念不忘.... 竟然喺呢度俾我食返嗰種感覺，因為夠大鍋，差不多有成40隻！唔算非常肥美，但已經好滿足！用番茄、檸檬、香草汁等令青口味道好清新，徘徊在似酸又甜之間，超級好味！同比利時唔同嘅係呢度用新鮮炸起嘅薯仔，店員話唔係落茄汁食，係要點啲番茄醬汁食㗎，熱辣辣嘅薯仔上面仲有啲椒鹽，更加惹味，諗返起都流口水
Provencale mussels
$190
20 views
0 likes
0 comments
Ribeye steak ($180)
好耐冇食過牛扒，驚中伏，不過店員推薦呢個係佢哋嘅signature，咁就試吓啦！哇好大塊喎，肉質鮮嫩多汁，夾雜油筋令口感更滑，超好味！
Ribeye steak
$180
12 views
0 likes
0 comments
Ribeye steak
$180
6 views
0 likes
0 comments
Ribeye steak
$180
9 views
0 likes
0 comments
Apple tart ($65)
其實都飽飽哋，不過見佢哋啲甜品係自家製，咁都試吓啦。我一向唔鍾意食蘋果批嘅，不過成個menu入面其他全部都唔啱，咁就叫呢個試吓囉！等咗一陣終於有得食，係熱辣辣㗎！金黃色嘅批皮鬆化又香，第一啖已經好味到想喊！啖啖都有蘋果肉，又保留到蘋果嗰種微酸，就算唔加cream食都已經太太太好味！
Apple tart
$65
17 views
0 likes
0 comments
Apple tart
$65
7 views
0 likes
0 comments
Apple tart
$65
7 views
0 likes
0 comments
呢度每樣食物都新鮮製作，熱辣辣咁上菜，雖然時間就可能要等一等，但誠意可嘉。今晚食嘅每道菜都非常滿意，尤其最尾食埋個Apple tart更加係完美。成日覺得喺bar度食野，啲野食唔慌好味，但估唔到呢度由服務至食物質素都非常有驚喜，雖然由中環要撐一段路先上到嚟，但絕對值得！
Post
