海皇粥店 (樂道) (Under Renovation)

呢排食嘅嘢都比較多、種類有唔同國家嘅菜式、所以今日想食返啲簡單嘅菜式晚餐！再加上食返啲充滿營養嘅晚餐補充體力！今次就選擇咗海皇粥店、聽到粥店通常都會諗起食粥比較簡單啲嘅嘢食！但係而家唔同咗呢度除咗有好食同埋好營養嘅粥之外、都開始有自家蒸飯！呢排都冇點樣食過魚類、就叫咗一個自家蒸飯套餐、呢度嘅鮮味蒸魚腩套餐除咗有個好大嘅魚腩之外、仲有一碗好大嘅白飯、好抵食！都想講一講呢個魚腩食落去好喜出望外！第一佢係即叫即蒸、雖然要時間等但係咁樣嘅食物先係最好食！魚腩除咗好滑唔多骨之外！佢嘅魚肉亦都好嫩滑！再加上用蒸魚豉油、芫荽、姜條、仲有香蔥等等配料去整呢條魚、食落去真係好香滑！非常開胃！最後當然唔少得就係佢嘅紅豆綠豆沙雙拼啊！除咗有凍同熱選擇之外、紅豆同綠豆沙混合埋一齊更加好食就好似食緊咋喳一樣！但係有非常足料！尖沙咀樂道海皇粥店