蕃茄仔

Open Now

Now Closed

人氣長龍店蕃茄仔開到嚟九龍灣，同銅鑼灣店一樣咁多人幫襯，但九龍灣呢間分店位於商場入面，有冷氣等位都等得舒服啲。店舖面積唔算大位置唔多，lunch time如果唔想等太耐記住要預早到喇。餐牌上全部都係蕃茄湯底，餸菜選擇都幾多，雞牛豬都有，仲有鴨同鰻魚可以揀。另外可以加配菜，配菜以蔬菜為主。落單後大概十分鐘有得食，估唔到都幾大碗，成碗都充滿蕃茄蓉。蕃茄湯以鮮茄製成，所以係橙色而唔係紅色。由於係鮮茄而唔係茄膏嘅關係，味道比較單一但就好清新，而且唔會酸。炭烤風味雞扒大大塊而且肉質嫰滑，最欣賞塊雞皮夠脆刀削麵係闊身扁麵，口感煙韌，麵彎彎地所以非常掛湯 另外加咗媽媽手工雲吞，原來係芫茜豬肉餡，鍾意食芫茜嘅我覺得好好味總括嚟講鮮茄湯好味，雞扒同麵嘅份量都多，以同區午餐嚟講雖然有少少貴，但食物質素的確高難怪要等位都咁多人幫襯。