肆年八月米線專門店

Open Now

Now Closed

今日想再explore 下上徑口村嘅食肆，見到呢間都多like，入面都唔算少人，就比個機會。叫左兩樣野食1. 麥芽滷水雞翼雙蛋飯雞翼麥芽味就食唔到，滷水味就有嘅，同平時係超市買枝番黎煮嘅差唔多。另外，已經叫左太陽蛋，但佢就整左得一隻係太陽蛋。OK 唔緊要，都係叫太陽蛋但唔係蛋s，另外叫佢多蔥但無諗過係生蔥…完全同個飯唔夾。同時叫佢少飯當然無少，仲要飯係有汁嘅，但完全無味，只係有色，真係自己煮仲好味過佢。2. 金銀蛋麥芽滷鴨片米線金銀蛋但只見皮蛋，芫茜夠多呀，初頭以為鴨片係真係滷水鴨肉，點知係鴨胸，只係鴨胸浸滷水，麵唔差嘅。同樣啦，都係一般滷水味，麥芽味係食唔出。同埋湯底唔夠味，米線淡茂茂，同湯嘅味道好分開。總括黎講係失望，希望佢地有進步。