武士拉麵 (Closed)

拉麵可以揀粗或普通，軟同硬但係粗面又唔可以揀軟，只係普通先可以揀軟所以我揀左普通同軟既面。湯底可以揀濃， 普通， 淡。 我揀左普通，但係都好咸。午餐一碗面可以跟一份餃子或者飯， 我揀左飯。好彩有個飯頂住。因為個面真係唔好食。除左個湯偏咸，個面既質地都唔好食， 唔似平時出面個啲拉面， 有啲似即食個啲拉面， 隻蛋唔夠熱同唔夠流心，成碗都唔好食，味道唔合格，完全食唔曬。啲位都算多， 午飯時間都好少人，可能因為唔好食， 坐得唔係幾舒服。 而且啲枱枱櫈櫈有啲舊。整體來說， 價錢係幾抵但係味道同環境都唔合格，我覺得自己煮出前一丁會開心啲。