花丸 (Closed)

同朋友gathering ，好友提意來點新意「自己煮」...就去左宜間主打日式餐廳齊下廚。大部份既食物都係可以「自己煮」，可以自製章魚小丸子、御好燒、燒肉及大阪燒。店員遞上預先混合好蛋漿及配料，之後再講解一次點整作，之後就係我地大顯身手既時候了！燒得燶燶地 ，入口外脆內軟。再可以隨個人喜歡加入蛋黃醬、燒醬及青海苔。另一自製作品...海鮮御好燒。將雞蛋和配料混合左之後，放上鐵板，燒到金黃之後放上木魚乾就上得碟食得喇！屋台風味炒麵有椰菜、豬肉、海鮮，先炒菜，然後加入其他配料。最後落麵條，炒熟後淋上燒汁就食得喇！玩煮飯仔冇難道呀！蜜糖黑胡椒豚肉帶有脂肪薄身，放落鐵板燒一陣好快就熟就食得喇！可惜份量唔多，有點不夠喉呀！