雲來 (Moved) New Location

新北江小食店，餐廳何其多，而雲來只係新北江小小既角落，成個鋪位只有一張枱比客人堂食，如果多過一枱客人既話就只好係周圍附近開摺枱坐，尤如街邊大排檔咁。呢度既水煮魚小辣就唔點辣，用左唔少辛香巴椒粒，辣椒乾，胡椒等等辛料煮成。我最鐘意係佢既青瓜爽口而且湯慢慢滲入裡面，認真好食。魚冇骨薄片，絕對方便我呢啲粗心大意既人食。湯中仲芽菜，薯粉，一定可以食飽飽，雖然薯粉本身透明狀，但啲湯浸下浸下已經變左淺啡色，夠哂濃味。手撕雞味道唔錯，雞肉冇比麻辣cover哂，而且仲有芽菜，花生伴菜，冇咁寡成碟餸。蒜泥白肉好香乾蒜同辣椒油味，非常惹味。當然唔少得必食木耳，又平又好食，份量多。