Video
Read full review
2009-10-04
20 views
好友廢柴小登科, 師傅同一班好友當然替佢開心啦, 在此再次祝佢兩個白頭到老, 永結同心! 好友廢柴嘅婚禮攪得簡單而隆重, 所以當做完晒應該要做嘅野之後, 師傅同埋其他好友就已經無所事事, 最難得都算幾人齊, 所以飯局都走唔甩; 講到食其實大家都冇咩特別意見, 於是封筆食家"今餐食乜好"就提議黎呢間食店, 喺大家都冇異議下就拍板作實!由於時間都幾早, 所以去到人影都唔多; 但由於仍未齊人, 所以坐底後大家都淨係柯打左d飲品先; 師傅就冇飲到, 淨係飲下清水, 所以就唔d飲品嘅水準係點, 不過眼見賣相不差, 所以應該唔會太差! 到咁上下, 封筆食家"今餐食乜好"就提議柯打一些小食先, 於是就柯打左兩客細嘅泰式珍寶拼盤, 之後人齊再加左泰國金柚沙律, 青木瓜沙律, 冬蔭公鮮蝦湯, 粉絲雜菜豆腐湯, 清邁鐵板蠔仔蛋, 越式牛尾煲, 泰式辣椒膏炒蟹, 特式泰國咖哩蝦, 油酥餅同三款唔同炒菜!好, 首先當然要講下個泰式珍寶拼盤, 泰式珍寶拼盤有串燒雞肉, 春卷, 炸蝦餅, 炸魚餅同埋炸蕃薯條; 呢個頭盤賣相非常之吸引, 每款食物擺放得非常整齊, 師傅係呢道菜試左串燒雞肉同埋炸蕃薯條; 串燒雞肉燒得
由於時間都幾早, 所以去到人影都唔多; 但由於仍未齊人, 所以坐底後大家都淨係柯打左d飲品先; 師傅就冇飲到, 淨係飲下清水, 所以就唔d飲品嘅水準係點, 不過眼見賣相不差, 所以應該唔會太差! 到咁上下, 封筆食家"今餐食乜好"就提議柯打一些小食先, 於是就柯打左兩客細嘅泰式珍寶拼盤, 之後人齊再加左泰國金柚沙律, 青木瓜沙律, 冬蔭公鮮蝦湯, 粉絲雜菜豆腐湯, 清邁鐵板蠔仔蛋, 越式牛尾煲, 泰式辣椒膏炒蟹, 特式泰國咖哩蝦, 油酥餅同三款唔同炒菜!
好, 首先當然要講下個泰式珍寶拼盤, 泰式珍寶拼盤有串燒雞肉, 春卷, 炸蝦餅, 炸魚餅同埋炸蕃薯條; 呢個頭盤賣相非常之吸引, 每款食物擺放得非常整齊, 師傅係呢道菜試左串燒雞肉同埋炸蕃薯條; 串燒雞肉燒得幾香口, 加上唔油, 而肉身都幾滑, 再點少少沙爹醬格外好味, 不錯; 而炸蕃薯條起初師傅望埋去以為係炸薯條, 但友人話係蕃薯條, 所以師傅亦夾起一條黎品嚐, 炸蕃薯條一d都唔油膩, 油嘅份量控制得非常好, 而蕃薯條切得好幼好薄身, 入口脆脆地甜甜地, 都幾好味; 相反其他嗰三樣師傅就冇試, 因為見到炸得好油, 所以棄權!
泰國金柚沙律係一道非常之特別同出色嘅一道菜, 泰國金柚沙律嘅柚子好真係好甜, 少少澀口都冇, 加上個汁帶少少酸同少少辣, 用黎做頭盤絕對冇錯, 惹味開胃, 師傅覺得係必食之選! 青木瓜沙律師傅亦冇試到, 相信唔會太差但亦相信冇甚麼驚喜; 冬蔭公湯係師傅覺得逢食泰菜必吃之選, 而呢度嘅冬蔭公鮮蝦湯味道唔算太酸亦不算太辣, 唔搶口亦冇驚喜, 但蝦肉就幾爽口, 拉上補下, 合格啦! 粉絲雜菜豆腐湯師傅亦冇試到, 但見佢清清地, 味道應該不錯!
清邁鐵板蠔仔蛋係師傅第一次食, 蛋身煎得好香, 而蠔仔亦算甚多, 但師傅唔明點解會煙煙韌韌, 唔通呢個係泰國獨有煮法定係其他呢? 師傅就不得而知, 但肯定講句如果唔韌一定會更好味, 而伴碟嘅芽菜就好淡口, 一般! 越式牛尾煲絕對係一道令人失望嘅菜式, 牛尾煲嘅汁調教得幾好, 但牛尾就十分之韌, 絕對係炆唔腍, 而師傅懷疑係有冇炆過, 可能淨係放喺個煲度煮熟就算, 如果早知水準如此, 就真係寧願唔柯打呢度菜!
泰式辣椒膏炒蟹師傅亦冇食到, 皆因非常之懶, 但聽友人同好友食家"乜都放入窿"都讚, 特別係個汁非常惹味, 所以應該值得一試; 而特式泰國咖哩蝦嘅蝦師傅亦冇食到, 但今次唔係懶, 而係d蝦份量少得濟唔夠分, 呢個咖哩汁師傅就有試到, 咖哩汁夠香但談不上好辣, 不過食多幾啖就越食會覺得越辣, 絕對係高水準之作; 油酥餅就揀左三款, 但三款都幾油, 師傅亦冇試到, 油酥餅配咖哩汁應該不會差得去邊! 最後三款唔同炒菜都幾好, 菜夠新鮮嫩綠, 可惜都係油d, 一般啦!
總括黎講食物質素不錯, 如果能夠少d油就更加好, 服務態度唔錯, 環境唔算太嘈, 都幾舒服, 價錢都相宜, 十個人最後每人都係百七, 仲要食唔晒, 都算抵食! 師傅覺得如果能有張圓枱會更加好, 因為而家十個人坐長枱, 絕對係好似斬開左一半, 分左兩批人, 形成整個飯局都自成一角, 呢一下差左少少! 是次一大班好友相聚, 加上水準不賴, 笑臉值得一比, 有機會係會可以再黎, 但希望能夠少d油啦!
Post
