Video
Read full review
2017-01-07
202 views
九龍區呢間Selfie Cafe 開無幾耐，決定做會員兼試下佢地質素如何。🤔呢度有不同嘅Dinner Set, 會員價唔算貴。~ 湯和沙律~ 餐湯味道都幾好，可惜份量少得有點離譜，只得5湯匙。😓麵包裡面有Nuts，味道尚可，但太硬了。沙律較酸，味道普通。~ 服務~ 影了一輪餐湯沙律相片，正在飲湯之際，侍應就上意大利飯和意粉，咁我應該食邊樣先？😓，而且侍應求其放低就走，我覺得上菜和侍應服務的確是不折不扣的冰室服務風格👎，要改善。飲完湯，見侍應都好得閒，但佢地見到都無主動收番啲湯碗和麵包碟，食晒個意粉，都未收湯碗！~ 主菜~ (1) 香辣茄醬鮮蝦意大利粉整體味道唔錯，帶有微辣，蝦有兩隻，不過無咩味，不過茄醬唔會水汪汪，做得幾好👍🏻(2) 牛肝菌牛柳粒燴意大利飯個白汁夠濃稠，牛肝菌牛柳粒都夠多，牛柳粒有牛肉味，這裡的意大利飯係全熟而唔係半生熟嘅Italian style, 怕硬飯又喜歡白汁嘅朋友應該都會喜歡。~ 飲品~ 皇后奶茶(跟餐飲品) 茶味濃郁，無俾奶味搶走晒，而且熱度夠👍🏻，唯一奇怪係用紙杯上，賣想似外賣多啲！薑汁咖啡(跟餐+$9) 薑味十足，咖啡味尚可，不過濃度應該要提高多些少，
呢度有不同嘅Dinner Set, 會員價唔算貴。
~ 湯和沙律~ 餐湯味道都幾好，可惜份量少得有點離譜，只得5湯匙。😓
麵包裡面有Nuts，味道尚可，但太硬了。
沙律較酸，味道普通。
~ 服務~ 影了一輪餐湯沙律相片，正在飲湯之際，侍應就上意大利飯和意粉，咁我應該食邊樣先？😓，而且侍應求其放低就走，我覺得上菜和侍應服務的確是不折不扣的冰室服務風格👎，要改善。飲完湯，見侍應都好得閒，但佢地見到都無主動收番啲湯碗和麵包碟，食晒個意粉，都未收湯碗！
~ 主菜~ (1) 香辣茄醬鮮蝦意大利粉整體味道唔錯，帶有微辣，蝦有兩隻，不過無咩味，不過茄醬唔會水汪汪，做得幾好👍🏻
(2) 牛肝菌牛柳粒燴意大利飯個白汁夠濃稠，牛肝菌牛柳粒都夠多，牛柳粒有牛肉味，這裡的意大利飯係全熟而唔係半生熟嘅Italian style, 怕硬飯又喜歡白汁嘅朋友應該都會喜歡。
~ 飲品~ 皇后奶茶(跟餐飲品)
茶味濃郁，無俾奶味搶走晒，而且熱度夠👍🏻，唯一奇怪係用紙杯上，賣想似外賣多啲！
薑汁咖啡(跟餐+$9)
薑味十足，咖啡味尚可，不過濃度應該要提高多些少，當我差不多飲完，竟意外地搵到小片嘅薑，所以佢地應該唔係只加薑汁Syrup咁簡單，而係用上真薑，杯咖啡熱度夠👍🏻，我認為+$9係絕對值得。👍🏻👍🏻
~ 環境~ 呢度環境舒適，雖然位唔多，但枱與枱之間都足夠寬闊，播放嘅韓國流行音樂唔太吵耳，餐廳勝在無限時用餐，大可以同朋友慢慢傾計。
總括嚟講，除咗個湯份量過少，食完無及時收湯碗，上菜無同客人講等等需要改善下，其他都滿意，值得一試。
Post
