SENSU (Closed)

之前見呢間餐廳好多人推介,搞到我成日心思思想食.趁住放假,今日終於有機會黎潮聖一下啦.All day menu入面任何時間都可以點,但lunch time唔同既係會送上指定飲品,平時見比較多人會食佢主打既日山牛,但我就一反傳統試下佢既西餐.温泉蛋雜菌闊條麵配黑松露忌廉汁.先係温泉蛋已經加晒分,輕輕刺穿,橙黃而濃密既蛋黃漿衝破蛋白衣湧出碟內.蛋黃將黑松露忌廉汁沾上淡黃色令質感更稠密與闊條麵慢慢融合.闊條麵比平常更闊身,蛋香味更濃之餘又可以掛上更多黑松露忌廉汁.黑松露忌廉汁入口後,黑松露味先湧入味蕾,黑松露味漸漸淡開後會帶入雜菌既蘑菌香,入口清新,唔會過膩.炸雞翼配他他汁,雞翼幾大隻,外層炸得幾脆身唔會油淋淋.沾上他他漿帶少少微酸令到炸雞翼無咁膩.是日甜品:菠蘿水冰,仙氣來襲,混合左乾冰令成份甜品超女神feel,唔打卡點對得住自己！上層菠蘿泡沫上有少少食用花同金箔做點綴,底下有菠蘿雪葩,菠蘿粒同焦糖脆脆成個搭配雖然混雜但食起上黎又意外地夾,焦糖脆脆為微酸既菠蘿帶上一份焦香及甜味,相反菠蘿又為焦糖帶來一份清新既感覺,兩者合起黎真係缺一不可.Pear marigold fruit tea, 用