等 (Closed)

😻店內有咗好多乾花、綠色植物作為點綴，亦有播放音樂，感覺自然柔和！好治癒(*^ω^*)😽食物選擇好多，松葉蟹肉燴飯、手打牛漢堡、Await青醬帶子配巴馬火腿意粉係呢間舖嘅熱門。近排食牛太多，所以選咗雞肉漢堡，個人鍾情於黑松露所以亦叫咗黑松露飯，兩樣都非常惹味！菠蘿雞扒漢堡配await辣醬（$98）呢個漢堡超開胃！辣醬同炸雞扒好夾，有韓式味道，菠蘿烘烤過，有燒菠蘿嘅感覺，好清甜，令個包好juicy（但完全唔會濕）。黑松露什菌飯（$98）磨菇同松露醬好夠，成個口都係菌香味，加少少忌廉燉埋一齊---好。滿。足。鍾意菇菌類人士一定要試。冰凍荔枝茶（$38）原個荔枝加紅茶，唔會太甜，賣相可以～值得欣賞係佢飲管用竹，夠環保👍🏻😸店員有特別過嚟推介幾款飲品，話啲Latte係使用咗京都百年茶舖美好園的茶葉，推薦Matcha Latte 京之香 同埋Hojicha Latte 明珠。