野郎Stone (Closed)

位於厚福街嘅野郎Stone不為顯眼，不過好食嘅嘢通常要捐窿捐罅，朋友是一個對食物好講究嘅人，是個「牛魔王」，所以好難抗拒鐵板牛扒嘅威力，所以揀咗呢間。嚴格來說其實唔算係鐵板，牛肉本來唔係好熟，它利用鐵板上嘅熱石調整熟度，牛嘅肉汁係上面「渣渣沙沙」，聽到聲就好吸引！我簡左牛肋間隔膜，餐廳切得比較厚身，食嘅時間要盡快切開，唔係就會過生，肉味較板腱更濃。少脂肪有咬口。400g嘅套餐岩岩好，夠食又唔太飽。食物總體水準比預期更高，牛肉冇加鬆肉粉或者其他調味，套餐配菜未算好有驚喜但抵食，30蚊有放題，以任食飯、湯同野飲，我就無叫呢個，叫咗啤酒。店內環境窄小，坐落都幾迫，不過可以一路食牛一路飲啤酒，簡直是享受！