自在素食 (Closed)

我地三人諗住吃得清清地，就去了朋友家樓下的齋店吃晚飯，店內地下都坐滿，以為無得吃拉，點知仲有一層，估唔到咁大間喎，一樓全吉，得我們三個，真係自在喇，到食完都係得我們。三個人，三個小菜，九層塔茄子，以前沒有吃過，平時都是吃咸鱼茄子煲，所以要試下其他口味，鹹淡適中，茄子幾有水份，幾入味。糖醋排骨，味道同平時吃一樣，唯獨是排骨不同了。羅漢齋窩麵，麵多過齋，實在太多，最後都食不哂，罪過…罪過…食完齋菜後，仲有紅豆沙奉送。