馬哥奇冰

Open Now

Now Closed

食完晚飯當然要食甜品增肥, 今晚比間附近出名食豆腐花既舖頭吸引左過去試.即撞薑汁木桶豆腐花, 舖頭主打甜品, 特別之處係可以自己親手整既豆腐花. 所謂親手整只不過係用零點四三秒將豆漿撞落木桶. 雖然係好簡單, 但對我呢個從未試過既人都幾新奇好玩. 等左一陣就食得. 雖然店員話豆腐花身已有薑汁, 我都係再加埋另上既薑汁, 加左薑汁後味道層次更豐富. 唔知係唔係自己撞既關係, 豆腐花真係特別滑, 好味!!!西瓜綿綿冰, 配有涼粉, 白色涼粉, 啫喱糖 ,小爆珠. 綿綿冰口感非常獨特, 完全唔似一般既綿綿冰咁一食落口就溶化成水. 佢係有少少忌廉既感覺, 唔會一下子溶化成水, 好得意好獨特!!!